BİR HƏFTƏDƏ ÜÇ İNTİHAR HADİSƏSİ

10.12.2003 [20:55]
Çap et
A⁺ A^-

Son bir həftə ərzində Fransanın Limoj şəhərindəki özəl Cen-Jan litseyinin 18 və 16 yaşlı üç şagirdi intihar etmişdir. Bu hadisə 600 şagirdi, 80 müəllim və ondan artıq təsərrüfat işçisi olan litsey kollektivini şok vəziyyətinə salmışdır.

Şəhər sakinlərinin və valideynlərin ciddi narahatlığına səbəb olmuş hadisə ilə bağlı şagirdlər və müəllimlər arasında sorğu aparılmışdır. Onlar litseyin nümunəvi, müəllimlərin qayğıkeş və həmin şagirdlərin isə təbiətən sakit olduqlarını bildirmişlər. İntihar edənlərin psixoloji sarsıntılar keçirdikləri ilk fərziyyə kimi irəli sürülmüşdür.

Polisin işə qarışmasına baxmayaraq, hər üç şagirdin intihar etməsinin səbəbi bu günə qədər qaranlıq olaraq qalır.