Birinci sinfə elektron qəbul prosesi sabah başa çatır
Bakı, 2 sentyabr, AZƏRTAC
2026-2027-ci tədris ili üzrə uşaqların birinci sinfə elektron qəbulu prosesi sentyabrın 3-də saat 18:00-da başa çatacaq.
Məktəbəqədər və Ümumi Təhsil üzrə Dövlət Agentliyindən AZƏRTAC-a bildirilib ki, mayın 6-dan etibarən həyata keçirilən qəbul prosesi çərçivəsində indiyədək 124 mindən artıq uşağın birinci sinfə qəbulu tamamlanıb.
Qeyd olunub ki, birinci sinfə qəbul prosesi www.mektebeqebul.edu.az portalı vasitəsilə elektron qaydada həyata keçirilir. İnternetə çıxış imkanı olmayan vətəndaşlar alternativ qeydiyyat mərkəzlərinə, Agentliyin və yerli idarələrin çağrı mərkəzlərinə, eləcə də “ASAN xidmət” mərkəzlərinə müraciət edə bilərlər. Bildirilib ki, üzrlü səbəblərdən birinci sinfə qəbul prosesində gecikən uşaqların ümumi təhsil müəssisələrinə elektron qəbulu sentyabr ayı ərzində yenidən aktivləşdiriləcək.
Bölmənin digər xəbərləri
