BMT GÜNÜ MÜNASİBƏTİLƏ
Hər il oktyabrın 24-ü Birləşmiş Millətlər Təşkilatı Günü kimi qeyd olunur. Bununla əlaqədar BMT-nin baş katibi Koffi Annanın müraciəti yayılmışdır. Baş katib müraciətində Birləşmiş Millətlər Təşkilatının yeni üzvü olan iki dövlətin - İsveçrənin və Şərqi Timorun xalqlarını təbrik etmişdir.
Müraciətdə BMT-nin üzvü olan bütün dövlətlərin rəhbərlərini iki il bundan əvvəl Minilliyin zirvə toplantısında öz üzərinə götürdükləri öhdəlikləri yerinə yetirmək naminə daha fəal səy göstərməyə çağırış öz əksini tapmışdır. Bu öhdəliklər yoxsulluğun azaldılması, QİÇS ilə mübarizə, təmiz içməli suya ehtiyacın təmin olunması kimi insanın ən zəruri tələblərinə əsaslanır. Baş katib ümidvar olduğunu bildirmişdir ki, yeni minilliyin bu məqsədləri dünyanın bütün ölkələrinin hökumətlərinin səyləri ilə 2015-ci ilədək yerinə yetiriləcəkdir.
Bölmənin digər xəbərləri
