BMT MÜFLİSLİK HƏDDİNƏ ÇATMIŞDIR
Sakın sözlərinə görə, hazırda BMT-nin hesablarında 327 milyon dollar qalmışdır, lakin BMT bayrağı altında keçirilən tədbirlərdə iştirak etmiş dövlətlərin haqqı ödənildikdən sonra təşkilatın sərəncamında cəmi 73 milyon dollar olacaqdır.
Məmur xatırlatmışdır ki, adətən, təşkilatın büdcəsi sentyabradək kifayət edirdi, maliyyə ilinin sonuncu ayında - oktyabrda həyata keçirilən proqramlara pul sülhyaratma əməliyyatları üçün nəzərdə tutulan ehtiyatlardan ayrılırdı. Bundan sonra oktyabrın axırında BMT-nin əsas proqramlarının ödəyicisi olan ABŞ-dan pul gəlirdi.
Sak demişdir ki, bu il 950 milyon dollar olan BMT büdcəsi gözlənildiyindən tez xərclənmişdir. Buna səbəb odur ki, əməliyyatlar üçün xərclər büdcədə nəzərdə tutulmuş məbləğdən artıq olmuşdur.
BMT-nin baş maliyyə nəzarətçisi qeyd etmişdir ki, bundan əlavə, təşkilatın daimi üzvlərinin borcları da var. Bu borclar 1,2 milyard dollar məbləğindədir. Məsələn, təşkilata ABŞ 675 milyon, Yaponiya 283 milyon və Almaniya 74 milyon dollar ödəməlidir. Keçən ildən BMT-nin 333 milyon dollar məbləğində hesabları ödənilməmiş qalır.
Bölmənin digər xəbərləri
