RƏSMİ SƏNƏDLƏR
BMT-NİN BAŞ KATİBİNƏ BMT-NİN BAŞ MƏCLİSİNİN 2200 A (III) NÖMRƏLİ 1966-CI İL TARİXLİ QƏTNAMƏSİ İLƏ QƏBUL EDİLMİŞ İQTİSADİ, SOSİAL VƏ MƏDƏNİ HÜQUQLAR HAQQINDA BEYNƏLXALQ PAKT ÜZRƏ AZƏRBAYCAN RESPUBLİKASI HÖKUMƏTİNİN İKİNCİ DÖVRİ MƏRUZƏSİNİN HAZIRLANMASI VƏ TƏQDİM OLUNMASI BARƏDƏ
AZƏRBAYCAN RESPUBLİKASI PREZİDENTİNİN SƏRƏNCAMI
BMT-nin Baş katibinə BMT-nin Baş Məclisinin 2200 A (III) nömrəli 1966-cı il tarixli Qətnaməsi ilə qəbul edilmiş İqtisadi, sosial və mədəni hüquqlar haqqında Beynəlxalq pakt üzrə Azərbaycan Respublikası Hökumətinin ikinci dövri məruzəsinin hazırlanması və təqdim olunmasını təmin etmək məqsədi ilə qərara alıram:
1. BMT-nin Baş katibinə BMT-nin Baş Məclisinin 2200 A (III) nömrəli 1966-cı il tarixli Qətnaməsi ilə qəbul edilmiş İqtisadi, sosial və mədəni hüquqlar haqqında Beynəlxalq pakt üzrə Azərbaycan Respublikası Hökumətinin ikinci dövri məruzəsinin hazırlanması üçün aşağıdakı tərkibdə işçi qrupu yaradılsın.
İŞÇİ QRUPUNUN RƏHBƏRİ:
Xələf Xələfov - Azərbaycan Respublikası xarici işlər nazirinin
müavini
İŞÇİ QRUPUNUN ÜZVLƏRİ:
Toğrul Musayev - Azərbaycan Respublikası ədliyyə nazirinin
müavini
Sevda Məmmədəliyeva - Azərbaycan Respublikası mədəniyyət
nazirinin müavini
Elsevər Ağayev - Azərbaycan Respublikası səhiyyə
nazirinin müavini
Elmar Qasımov - Azərbaycan Respublikası təhsil nazirinin
müavini
İntiqam Bahayev - Azərbaycan Respublikası gənclər, idman və
turizm nazirinin müavini
Oruc Zalov - Azərbaycan Respublikası daxili işlər
nazirinin müavini
Tahir Budaqov - Azərbaycan Respublikası əmək və əhalinin
sosial müdafiəsi nazirinin müavini
Ağadadaş Məmmədov- Azərbaycan Respublikası Dövlət Statistika
Komitəsi sədrinin müavini
Rafiq Süleymanov - Azərbaycan Respublikası Dövlət Torpaq və
Xəritəçəkmə Komitəsi sədrinin müavini
Kamran İmanov - Müəllif Hüquqları Agentliyinin sədri
Ülvi Seyidzadə - Azərbaycan Respublikası İqtisadi İnkişaf
Nazirliyinin İnvestisiya və Beynəlxalq
İqtisadi Əməkdaşlıq Departamentinin
direktoru
Xaqani Rzayev - Azərbaycan Respublikası Maliyyə
Nazirliyinin sosial sahələrin maliyyəsi Baş
İdarəsinin rəisi
2. İşçi qrupuna tapşırılsın ki, dörd ay müddətində bu Sərəncamın 1-ci bəndində göstərilən məruzənin layihəsini hazırlayıb Azərbaycan Respublikasının Prezidentinə təqdim etsin.
3. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən məruzə hazırlanıb baxıldıqdan sonra onun BMT-nin Baş katibinə göndərilməsini təmin etsin.
Heydər Əliyev
Azərbaycan Respublikasının Prezidenti
Bakı şəhəri, 22 iyun 2002-ci il