“Boş yerlər yoxdur!”
Budapeşt, 19 dekabr, AZƏRTAC
Milad bayramı ərəfəsində Budapeşt otellərində boş yerlər qalmayıb.
AZƏRTAC xəbər verir ki, bunu Macarıstan Ticarət Assosiasiyasının baş katibi Dyord Vamoj mətbuat konfransında bildirib. Onun sözlərinə görə, otellərdə nömrələrin tutulmasında xarici turistlərin payı çoxdur. Budapeştin yarmarkalar, mağazalar və restoranlar yerləşən mərkəzi rayonlarında xarici dillərdə danışan turistlərə tez-tez təsadüf olunur. Onların arasında almanların, avstriyalıların, ingilislərin, ispanların və italyanların sayı daha çoxdur. Turistlərin çoxu Budapeştə sadəcə gəzməyə və bazarlıq etməyə gəlir.
Macarıstan Mehmanxanalar və Restoranlar Assosiasiyasından AZƏRTAC-a bildiriblər ki, paytaxt otellərində nömrələrin hamısı bron edilib və Milad bayramından sonra, ən azı yanvarın birinci yarısında vəziyyət dəyişməyəcək.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
