BP və tərəfdaşları ötən il Azərbaycandakı sosial layihələrə 4,1 milyon dollar xərcləyib
Bakı, 24 yanvar, AZƏRTAC
BP və tərəfdaşları 2018-ci ildə Azərbaycandakı sosial investisiya layihələrə 4,1 milyon dollar xərcləyib.
AZƏRTAC “BP Azerbaijan” şirkətinə istinadla xəbər verir ki, BP-nin və tərəfdaşlarının Xəzərdəki layihələrinin uğuruna həm də regiondakı ölkələrin əhalisi üçün bu layihələr vasitəsilə hiss edilən faydalar yaradılması daxildir. Buna nail olmaq üçün BP və tərəfdaşları mühüm sosial sərmayə layihələri həyata keçirir. Bu layihələr təhsilin inkişafına, yerli icmalarda bacarıq və qabiliyyətlərin yaradılmasına, icmaların sosial infrastrukturla bağlı vəziyyətinin təkmilləşdirilməsinə, maliyyə vəsaitlərinə çıxışın təmin edilməsi və təlim vasitəsilə yerli müəssisələrə dəstək verilməsinə, mədəni irs və idmanın inkişafına, eləcə də hökumət qurumlarına texniki yardıma yönəldilir.
2018-ci ildə BP və onun əməliyyatçısı olduğu birgə layihələrdəki tərəfdaşları Azərbaycanda təkcə sosial sərmayə və sponsorluq layihələrinə təqribən 4,1 milyon dollardan çox vəsait xərcləyib.
Ölkə iqtisadiyyatının güclənməsinə kömək etmək məqsədilə BP (özünün əməliyyatçısı olduğu birgə layihələrdəki tərəfdaşları adından) Azərbaycanın hər yerində yerli bacarıqların yaradılmasını və sahibkarlığın inkişafını dəstəkləyən sosial sərmayə layihələrini davam etdirəcək.
Bölmənin digər xəbərləri
