BRAKONYERLƏR TUTULMUŞLAR
Bu günlərdə Samux ovçuluq təsərrüfatı, “Kor çay” dövlət təbiət yasaqlığı və Samux rayon polisi əməkdaşlarının apardıqları operativ tədbirlər nəticəsində yasaqlığın ərazisində Goranboy rayon sakini Hüseyn Bayramov, Gəncə şəhər sakini Uğurlu Həsənov və özünü polis kapitanı kimi təqdim etmiş Etibar adlı şəxs 2 ceyran cəmdəyini doğradıqları yerdə yaxalanmışlar. Ekologiya və Təbii Sərvətlər Nazirliyinin mətbuat xidmətindən AZƏRTAC-ın müxbirinə bildirmişlər ki, “UAZ-469” markalı avtomobildə qeyri-qanuni ova çıxmış həmin şəxslər istintaq zamanı bildirmişlər ki, heyvanları “Kor çay” dövlət yasaqlığı ərazisində vurmuşlar. Bununla belə, onlar tərtib olunmuş aktı imzalamaqdan imtina etmişlər.
Hazırlanmış sənədlər və müsadirə olunmuş silahlar hüquq-mühafizə orqanlarına verilmişdir. Samux rayon prokurorluğu faktla bağlı cinayət işi qaldırmışdır.
Təbiətə 1 milyon 600 min manat məbləğində ziyan vurulduğu müəyyən edilmişdir.
Bölmənin digər xəbərləri
