BRİCİT BARDO 70 İLLİYİNİ QEYD EDİR
Keçmiş aktrisa Fransa ərazisində korridaya, xoruz döyüşlərinə, vəhşi heyvanlardan sirklərdə istifadə olunmasına, itlərin və pişiklərin qəzetlərdə elan verilməsi yolu ilə satılmasına qadağa qoyulmasını istəyir.
Parisdə varlı ailədə dünyaya gəlmiş Bricit Bardo 1949-cu ildə 14 yaşında şlyapa nümayiş etdirərkən hamının diqqətini çəkmişdir. O, 1952-ci ildə ilk filmində çəkilmişdir. Növbəti “Duvaqsız qız Manina” filmi isə aktrisaya dünya şöhrəti qazandırmışdır, Fransanın rəmzinə çevirmişdir. Aktrisa “Və Tanrı qadını yaratdı”, “Parisli qadın” , “Qadın və təlxək”, “Babetta müharibəyə gedir”, “Viva, Mariya!”, “Özəl həyat”, “Həqiqət”, “Nifrət” filmlərində maraqlı obrazlar yaratmışdır.
Bricit Bardo 48 filmdə çəkildikdən sonra karyerasının 21-ci ilində gözlənilmədən kinematoqrafı tərk edərək, Fransada və bütövlükdə Avropada heyvanların ən fəal müdafiəçilərindən biri olmuşdur. Hazırda o, “La Madraq” villasında çoxsaylı heyvanların əhatəsində tənha həyat sürür.
Bölmənin digər xəbərləri
