Britaniyada yeni AES inşa ediləcək
London, 15 dekabr, AZƏRTAC
Böyük Britaniyada yeni atom elektrik stansiyası (AES) inşa ediləcək.
AZƏRTAC xəbər verir ki, Fransanın “EDF” enerji şirkəti ilə Sufolk bölgəsində 20 milyard funt sterlinq dəyərində yeni “Sayzvel C” adlı AES-in tikilməsi üçün danışıqlara başlanılıb.
Stansiyanın 3,2 milyard giqavat elektrik enerjisi istehsal etməsi planlaşdırılır ki, bu da ölkənin enerji ehtiyacının 7 faizinə cavab verir. Bu baş verərsə, “Sayzvel C” ən çox elektrik enerjisi istehsal edən AES olacaq.
Britaniya hökuməti, layihənin tikinti və istismar proseslərində minlərlə yeni iş yerinin yaradılacağını açıqlayıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
