Bu il BDU-nu 6000-dən çox tələbə bitirir
Bakı, 25 iyun, AZƏRTAC
2024/2025-ci tədris ilində Bakı Dövlət Universitetini (BDU) 6000-dən çox tələbə bitirir.
BDU-dan AZƏRTAC-a bildirilib ki, ümumilikdə fəaliyyət göstərdiyi dövr ərzində universitet 200 min nəfərdən artıq mütəxəssis və yüksəkixtisaslı kadr yetişdirib.
BDU-da hazırda 16 fakültədə 1500 nəfərlik professor-müəllim heyəti çalışır, 25 mindən çox tələbə təhsil alır.
Universitetdə 120 kafedra, 2 elmi-tədqiqat institutu, 6 elmi-tədqiqat mərkəzi, 5 muzey, Qazax filialı, İqtisadiyyat və Humanitar Kollec və “Gənc istedadlar” liseyi fəaliyyət göstərir.
Bakalavriat səviyyəsində 75 ixtisas, magistratura səviyyəsində 243 ixtisaslaşma üzrə kadr hazırlığı həyata keçirilir.
Bölmənin digər xəbərləri
