Budapeştdə rəqs festivalı başlayır
Budapeşt, 5 aprel, AZƏRTAC
Bu həftəsonu Budapeştdə Laslo Pappa adına idman kompleksində 38-ci Milli Rəqs Festivalı və Yarmarka (Táncháztalálkozó) - Macarıstan milli rəqslərinin, incəsənətinin, musiqisinin və mədəniyyətinin möhtəşəm bayramı keçiriləcək.
AZƏRTAC xəbər verir ki, minlərlə sakin buraya şənlənməyə, turistlər isə macar mədəniyyəti, ənənələri, musiqisi, mətbəxi, sənətkarlığı və digər sahələr barədə daha çox məlumat toplamağa gələcəklər.
Festivala artıq bu gün axşam saatlarında “Fonó Budai Zeneház” səhnəsində konsertlə start veriləcək. Sabahdan isə bütün Karpat hövzəsindən olan macar kəndlərindən dəvət edilmiş rəqqasların çıxışı başlayacaq, həmçinin pivəxanaların, rəqs məşğələlərinin, uşaq proqramlarının və s. açılışı olacaq.
Bölmənin digər xəbərləri
