Bugünkü hərracda 74 dövlət əmlakı özəlləşdirilib
Bakı, 9 oktyabr, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən keçirilən növbəti hərracda 2 kiçik dövlət müəssisəsi, 1 yarımçıq tikili və 71 nəqliyyat vasitəsi satılıb.
AZƏRTAC Əmlak Məsələləri Dövlət Xidmətinə istinadla xəbər verir ki, keçirilən növbəti hərracda özəlləşdirilən kiçik dövlət müəssisələri Samux rayonunda yerləşən "Seyidlər üzüm emalı zavodu” və Şirvan şəhərində yerləşən fermadır.
Satılan nəqliyyat vasitələrinin buraxılış tarixləri 1986-2014-cü illəri əhatə edir. Hərraclarda özəlləşdirilən dövlət əmlaklarının siyahısı ilə Əmlak Məsələləri Dövlət Xidmətinin rəsmi saytı vasitəsilə tanış olmaq olar.
Bölmənin digər xəbərləri
