CASUSLAR İŞƏ DƏVƏT EDİLİRLƏR
Mətbuatda dərc edilmiş elanlarda deyilir ki, Böyük Britaniyanın “təhlükəsizliyinin yüksəldilməsi və çiçəklənməsi” məqsədi ilə kəşfiyyat bütün dünyada fəaliyyət göstərir. Bunun üçün Mİ-6-ya “əməliyyatçı zabitlər və texnologiyalar üzrə ekspertlər” gərəkdir.
Xarici işlər naziri Cek Stro elanların mətninə əlavə olaraq bildirmişdir: “Sikret İntellicens Sövisə daxil olmağa dəvət gözləməyin. Əgər özünüzü bacarıqlı və istedadlı hesab edirsinizsə, elə indi ərizə verin”.
Ekspertlərin hesablamalarına görə, Mİ-6 əməkdaşlarının sayı 2 min nəfərə çatır. Keçən il kəşfiyyat internetdə öz səhifəsini açmışdır. Burada işə qəbul haqqında ayrıca bölmə var. İşə qəbul əvvəllər ciddi məxfi qaydada həyata keçirilirdi: hər bir potensial namizədə məxfi təkliflə müraciət edilirdi. Əlbəttə, məxfilik indi də gözlənilir. Məsələn, kəşfiyyatın internetdəki saytında casusluğa namizədlərə təkidlə tövsiyə edilir ki, öz planlarını hətta ən yaxın qohumlarına və dostlarına da bildirməsinlər.
Bölmənin digər xəbərləri
