Çay ixracı azalıb
Bakı, 19 avqust, AZƏRTAC
Bu ilin yanvar-iyul aylarında 379 ton çay ixrac edilib.
AZƏRTAC Dövlət Gömrük Komitəsinə istinadla xəbər verir ki, ixrac edilən çayın dəyəri 3,4 milyon ABŞ dolları olub.
Xatırladaq ki, ötən ilin eyni dövründə dəyəri 7,5 milyon dollar olmaqla 1263 ton çay ixrac edilmişdi.
Hesabat dövründə 20,8 min ton şəkər tozu ixracı həyata keçirilib. İxrac edilən şəkər tozunun dəyəri 15,2 milyon dollar olub. Ötən ilin eyni dövründə məbləği 10,4 milyon dollar olan 15,9 min ton şəkər tozu ixrac edilmişdi.
Bölmənin digər xəbərləri
