ÇEÇENİSTANDA HƏRBİ BAZADA PARTLAYIŞ

08.02.2006 [13:13]
Çap et
A⁺ A^-

AZƏRTAC “İnterfaks” agentliyinə istinadla xəbər verir ki, Rusiya Müdafiə Nazirliyinin Çeçenistan Respublikasının Kurçaloy rayonundakı “Vostok” xüsusi təyinatlı batalyonunun bazasında fevralın 7-də axşam partlayış nəticəsində 12 nəfər həlak olmuş və 20-dən çox adam yaralanmışdır. RF Fövqəladə Hallar Nazirliyinin Çeçenistandakı nümayəndəsi agentliyə bildirmişdir ki, xəsarət alanların dördü ağır vəziyyətdədir.

Partlayış ikimərtəbəli kazarmada baş vermiş və nəticədə bina uçmuşdur. NTV telekanalının məlumatına görə, həmin vaxt binada 43 adam olmuşdur. Partlayışdan dərhal sonra yanğın baş vermişdir.

Prokurorluq hadisənin iki versiyasını - məişət qazının sızması və partlayıcı qurğunun işə salınması versiyalarını nəzərdən keçirir.

“Vostok” batalyonu ikinci Çeçenistan kampaniyasının başlanğıcında Moskvanın tərəfinə keçən Yamadayev qardaşlarının dəstəsi əsasında yaradılmış və respublikanın sakinlərindən təşkil edilmişdir. Kazarmanın binası Kurçaloyun mərkəzində yerləşirdi.

ÇEÇENİSTANDA HƏRBİ BAZADA PARTLAYIŞ

MÜƏLLİFLƏ ƏLAQƏ

Bölmənin digər xəbərləri