ÇERNOQORİYADA REFERENDUM KEÇİRİLƏCƏK

19.05.2006 [15:47]
Çap et
A⁺ A^-

AZƏRTAC “Avronyus” telekanalına istinadla xəbər verir ki, Serbiya və Çernoqoriyanın ayrılmasının tərəfdarları və əleyhdarları referendum ərəfəsində Podqoritsada mitinq keçirmişlər. Mayın 21-də Çernoqoriya əhalisi Serbiya ilə ittifaqda qalmaq və ya müstəqil olmaq məsələsini həll edəcəkdir.

Müstəqillik uğrunda hərəkata Çernoqoriyanın Baş naziri Milo Cukanoviç başçılıq edir. Onun fikrincə, mövcud ittifaq artıq köhnəlmişdir. Ayrılmaq tərəfdarları niyyətlərini bir də onunla əsaslandırırlar ki, Brüssel Serbiya və Çernoqoriyanın Avropa İttifaqına üzv olması ilə bağlı danışıqları Belqradın general Rayko Mladiçi təhvil vermək istəməməsi üzündən dayandırmışdır. Müstəqillik tərəfdarlarının fikrincə, Çernoqoriyanın Avropa İttifaqına yolu Serbiyaya görə bağlanmışdır. Serbiya ilə Çernoqoriya arasında 3 illik ittifaq keçmiş Yuqoslaviyadan qalan yeganə mirasdır. İndi iki respublikanı ittifaq prezidenti, parlament və futbol yığması birləşdirir.

Respublikaların ayrılmasının əleyhdarları iki xalqın ümumi tarixi keçmişini əsas gətirirlər.

ÇERNOQORİYADA REFERENDUM KEÇİRİLƏCƏK

MÜƏLLİFLƏ ƏLAQƏ

Bölmənin digər xəbərləri