ÇİNDƏ DƏHŞƏTLİ QURAQLIQ
Əyalətin ən iri şəhərində - Çuntsində 1959-cu ildən bəri havalar görünməmiş dərəcədə isti keçir. Burada kölgədə havanın temperaturu Selsi ilə 43 dərəcədən aşağı düşmür.
Quraqlıq bir milyon hektardan çox əkin sahəsinə böyük ziyan vurmuşdur. İlkin hesablamalara görə, bunun nəticəsində yerli kəndilərin ziyanı 1,2 milyard dolları keçmişdir.
Ekspertlər xəbərdarlıq edirlər ki, ən yaxın vaxtlarda bu böyük region enerji böhranı ilə də üzləşə bilər, çünki Sıçuan üçün elektrik enerjisinin əksər hissəsini su elektrik stansiyaları istehsal edir. Onlar isə çayların dayazlaşmasına görə problemlərlə qarşılaşmağa başlamışdır. Yantszıda gəmiçilik də dayandırıla bilər. Belə olarsa, çoxsaylı sənaye müəssisələrinə milyardlarla dollar məbləğində ziyan dəyəcəkdir.
Sinxua agentliyinin məlumatına görə, Çinin şimalında – Qansu əyalətində və Daxili Monqolustan Muxtar Rayonunda da hava quraq keçir.
Bölmənin digər xəbərləri
