ÇİNDƏ DOĞUM AZALIR
Məlumatda göstərilir ki, bu, əhali artımını məhdudlaşdırmaq üçün ÇXR hökumətinin 1970-ci ildən bəri həyata keçirdiyi tədbirlər sayəsində mümkün olmuşdur. Nəticədə, ötən əsrin 90-cı illərindən bəri ölkədə doğumun sabit surətdə azaldığı müşahidə edilir.
Məruzədə bildirilir ki, hökumət demoqrafiya proqramını xalq təsərrüfatının və cəmiyyətin inkişafına dair ümumi planın tərkib hissəsi hesab edir. Bununla əlaqədar Komitə sədrinin müavini Van Qotsyan bildirmişdir ki, yaxın 20 ildə ölkədə illik əhali artımı 8-10 milyon nəfər olacaqdır.
Xatırladaq ki, hazırda ÇXR əhalisi 1,3 milyard nəfərə çatmışdır. Bu isə bütün Yer kürəsi əhalisinin 20 faizini təşkil edir.
