Çində mikroavtobus çaya düşüb
Bakı, 17 may, AZƏRTAC
Bazar ertəsi günü Çinin cənubunda yerləşən Quandun əyalətinin Şaoquan şəhərində mikroavtobus çaya yuvarlanıb.
AZƏRTAC Çin mətbuatına istinadla xəbər verir ki, qəza nəticəsində mikroavtobusda olan 10 nəfərin hamısı ölüb.
Şəhərin hakimiyyət orqanlarının WeChat sosial şəbəkəsindəki akkautunda bu gün dərc olunmuş məlumata görə, mikroavtobus mayın 16-da yerli vaxtla saat 17:20-də Çenszyan bölgəsində elektrik stansiyasının bəndindən çaya düşüb. Həmin gün axşam çaydan çıxarılan avtomobildəki 10 nəfərin hamısı həlak olub.
İlkin təhqiqat göstərib ki, mikroavtobus Şilitin şəhərciyindən Jenxua qəzasına qayıdırmış. Hələlik məlum olmayan səbəbdən sürücü yolda idarəetməni itirib, nəqliyyat vasitəsi əvvəlcə beton bloka çırpılıb, bundan sonra hasara dəyərək gölə aşıb.
Qəzanın səbəbinin araşdırılması davam edir.
Bölmənin digər xəbərləri
