ÇİNDƏ OLİMPİYA BANKNOTU BURAXILIR
AZƏRTAC xəbər verir ki, Çin Xalq Bankı tədavülə Pekində keçiriləcək Olimpiadaya həsr edilmiş banknot buraxmışdır. 10 yuan (1,5 dollar) nominallı pul əskinası iyulun 8-dən sərbəst tədavülə daxil olmuşdur.
Həmin əskinas standart 10 yuanlıq banknotdan bir qədər uzun, enli və daha açıq rəngli olacaqdır. Əskinasın üz tərəfində əsas Olimpiya obyekti - “Quş yuvası” stadionu, Çin pul nişanları üçün ənənəvi olan Mao Szedunun portreti əvəzinə isə Pekinin əsas arxitektura rəmzlərindən sayılan Səma Məbədi təsvir olunmuşdur.
Banknotun arxa tərəfində “Üç dərə” təbii qoruğunun mənzərəli görünüşü əvəzinə atletlərin portretləri fonunda yunan diskobolunun heykəli təsvir edilmişdir. Çin Xalq Bankının məlumatına görə, tədavülə cəmi 6 milyon Olimpiya banknotu buraxılacaqdır.
Bölmənin digər xəbərləri
