CİNAYƏTKAR YAXALANDI
Şəmkir Su Elektrik Stansiyasının mühafizəsində dayanan polis əməkdaşına hücüm edən Gəncə sakini, 26 yaşlı Murad Məhərrəmov yanvarın 8-də yaxalanmışdır. Hadisə ilə bağlı Şəmkir Rayon Polis Şöbəsinin rəisi Akif Göyüşov AZƏRTAC-ın müxbirinə demişdir: “Murad Məhərrəmov yanvarın 6-da Şəmkir SES-ə gələrək burada mühafizədə dayanmış polis serjantı Yaqub Əmiraslanovun xidməti avtomat silahını əlindən alaraq atəş açmış və nəticədə güllə polisin paltarını sıyıraraq cinayətkarı gətirən taksi sürücüsü Hüseyn Bənicəlaliyə dəymişdir. Nəticədə sürücü iki qolundan yaralanmış, hadisəni törədən Murad Məhərrəmov isə avtomat silahı götürərək gəldiyi taksi avtomaşını ilə aradan çıxmışdı. Aparılan axtarış-əməliyyat nəticəsində Murad Məhərrəmov Sabirabad rayonunda yaxalanmışdır. Faktla bağlı cinayət işinə başlanmışdır.
Bölmənin digər xəbərləri
