“Climate Majority Project” iqlim uğrunda mübarizədə birliyə çağırıb
Bakı, 30 iyul, AZƏRTAC
Biz siyasətçilərin daha effektiv iqlim və təbiət siyasətini həyata keçirməyə çalışdıqları bir gələcək qurmaq istəyirik. Bu məsələni cəmiyyətsiz həll etmək olmaz. Biz bunu birlikdə etməliyik.
AZƏRTAC xəbər verir ki, bu barədə “Euronews” telekanalına müsahibəsində iqlim dəyişikliyi ilə mübarizədə vətəndaş təşəbbüslərinin dəstəklənməsi layihəsinin (“Climate Majority Project”) həmsədri Rupert Rid bildirib.
O hesab edir ki, planetin sağlamlığı naminə uğurla mübarizə aparmaq üçün kollektiv səylər lazımdır. Ridin sözlərinə görə, “Climate Majority Project”in əsas məqsədi icmaları birləşdirmək və onları fəaliyyətə sövq etməkdir.
Həmsədr deyir: “Qonşularla birlikdə daşqın risklərinə nəzarəti həyata keçirin, dostlarla meşələri bərpa edin, peşəkar bacarıqlarınızdan və şəbəkənizdən istifadəyə üstünlük verin, çünki kollektiv fəaliyyət fərq yarada, milli və beynəlxalq səviyyədə dəyişikliklərə kömək edə bilər”.
Ridin sözlərinə görə, biznes liderləri də iqlim dəyişikliyi ilə mübarizədə mühüm rol oynayırlar, çünki onlar hökumətlərin üzərində, xüsusən də ticarət birlikləri və lobbiçilik vasitəsilə böyük gücə malikdirlər. O əlavə edir: “Bu gün bir çox insanlar ölməkdə olan bir planetdə heç bir qazanc olmadığını başa düşməyə başlayır və biznesin kollektiv gücündən yaxşılıq üçün istifadə etdiyi bir gələcəyi arzulayır”.
Climate Majority Project”in həmsədri vurğulayır: “Təsəvvür edin ki, biznesmenlər vergilərin azaldılması üçün lobbiçilik etmək əvəzinə, birlikdə hökumətlərdən iqlim və təbiətlə bağlı səylərini tənzimləməyi xahiş edirlər. Bu, əsl oyun dəyişikliyi olardı. Bu, yüksək ekoloji standartları dəstəkləyən “yaxşı oyunçuların” “pis oyunçulara” uduzmasının qarşısını alacaq və layihənin kampaniyasının əsas ideyasına çevriləcək”.
Rid əlavə edir: “Bu, həm də biznes sahibləri üçün yeni imkanlar yaradacaq. Burada çoxlu uduşlar və birgə faydalar var. Məsələn, yeni ərazilərdə iş yerləri, yeni ictimai nəqliyyat, yaşıl enerji - bütün bunlar investisiya tələb edən böyük imkanlardır və gəlir gətirəcək”.
Həmsədr hesab edir ki, müvəffəqiyyətin açarı bəşəriyyətin iqlim və fövqəladə təbiət vəziyyətləri baxımından harada dayandığını anlamaqdır. Rupert Rid bizə xatırladır ki, hökumətlər və şirkətlər israr edirlər ki, biz 1,5 dərəcə Selsidən aşağı istiləşməyə qadirik, bu hədəfə sadiq qalmalıyıq və qalacağıq. İndi biz sözün həqiqi mənasında bu həddi aşmağa başlayırıq: 2024-cü ilin iyunu qlobal temperaturun üst-üstə düşdüyü on ikinci ay idi”.
Onun sözlərinə görə, bu reallığı dərk edərək, biz dünyanı çətinliklərə ciddi hazırlaşmağa məcbur edə bilərik, uyğunlaşma, davamlılıq yarada və Qlobal Cənubda olduğu kimi, ən çox zərər çəkən ölkələrə resurslar çatdırmağa qadirik.
Bölmənin digər xəbərləri
