CORC BUŞ PAKİSTANA XÜSUSİ STATUS VERDİ
Beləliklə, Pakistan hərbi əməkdaşlıq və təhlükəsizlik sahəsində ABŞ-la imtiyazlı münasibətlərə malik ölkələrin ayrıca klubuna daxil olmuşdur.
Pakistanın yeni statusu ABŞ silahlarını bu ölkəyə NATO dövlətlərinə göndərilən əsaslarla göndərməyə icazə verir. Bundan əlavə, ABŞ-ın NATO-dan kənardakı mühüm müttəfiqləri Amerikadan tankəleyhinə zəiflədilmiş uranlı döyüş sursatı idxal etmək, yeni silahların layihələşdirilməsi proqramlarına qatılmaq və Amerika silahının idxalına dair kommersiya müqavilələri üçün ABŞ hökumətindən kreditlər almaq hüququna malikdirlər. Pakistan hərbçiləri ABŞ-da müxtəlif təlim və yenidən hazırlıq keçmə proqramlarında da iştirak edə bilərlər.
Lakin “NATO çərçivəsindən kənarda ABŞ-ın əsas müttəfiqi” statusunda bilavasitə hərbi ittifaq və Pakistanın təhlükəsizliyinin təmin edilməsinə Şimali Atlantika İttifaqı tərəfindən hər hansı təminat verilməsi nəzərdə tutulmur.
Xatırladaq ki, Pakistanın qonşusu Hindistan bu “elit klub”a daxil deyildir.
