Dağıstanda kütləvi zəhərlənmə olub
Moskva, 13 yanvar, AZƏRTAC
Rusiyanın Dağıstan Respublikasında kütləvi zəhərlənməsi baş verib.
AZƏRTAC xəbər verir ki, yanvarın 9-13-də respublikanın Buynaks şəhərinin xəstəxanasına qidadan zəhərlənmə diaqnozu ilə 71 nəfər, o cümlədən 61 uşaq daxil olub. İlkin ehtimala görə, onlar içməli sudan zəhərləniblər. Digər ehtimala əsasən, uşaqların zəhərlənməsinə səbəb yeni il hədiyyələrindəki vaxtı ötmüş şirniyyatlardır.
Hadisə ilə bağlı cinayət işi açılıb. Şəhərin su təchizatı borularından götürülən su nümunələri yoxlanmaq üçün laboratoriyaya göndərilib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
