Daha bir erməni hərbçi özünəqəsd edib
Bakı, 28 iyul, AZƏRTAC
Ermənistan ordusunda hökm sürən xaos, nizamnamədən kənar münasibətlər, özbaşınalıq, ruh düşkünlüyü səbəbindən son bir neçə gün ərzində hərbi qulluqçular arasında bir neçə özünəqəsd faktı qeydə alınıb.
AZƏRTAC bu ölkə KİV-inə istinadla xəbər verir ki, yayılan məlumatlarda hərbi hissələrin birində postda xidmət edən hərbi qulluqçu Karen Ağacanyanın ona təhkim olunmuş silahdan atəş açaraq özünəqəsd etdiyi bildirilir.
Ağır vəziyyətdə hərbi hospitala çatdırılan K.Ağacanyanın özünəqəsd etməsinin səbəbləri araşdırılır. Ermənistan Müdafiə Nazirliyi faktla bağlı hər hansı rəsmi açıqlama verməyib.
Bölmənin digər xəbərləri
