Danimarka və ABŞ işçi qrupu yaradır
Stokholm, 14 yanvar, Nərgiz Cəfərli, AZƏRTAC
Danimarka və Qrenlandiyanın xarici işlər nazirləri Lars Lokke Rasmussen və Vivian Motsfeldt ABŞ-ın vitse-prezidenti Cey Di Vens və dövlət katibi Marko Rubio ilə Vaşinqtonda keçirilən görüşün yekunlarına dair mətbuat konfransı keçiriblər. Danışıqlara ABŞ-ın Qrenlandiya və Arktikada təhlükəsizliklə bağlı səsləndirdiyi bəyanatlardan sonra təşəbbüs edilib.
AZƏRTAC xəbər verir ki, Danimarka tərəfi 1951-ci il sazişinə əsasən ABŞ-ın artıq Qrenlandiyada hərbi mövcudluq hüququna malik olduğunu vurğulayıb. Bununla yanaşı, adanın gələcəyi ilə bağlı tərəflərin mövqelərinin prinsipial şəkildə fərqli olduğu bildirilib.
Mövcud fikir ayrılıqlarına baxmayaraq, tərəflər dialoqu davam etdirmək və vəziyyətin daha ətraflı müzakirəsi üçün işçi qrupunun yaradılması barədə razılığa gəliblər.
Bölmənin digər xəbərləri
