DAŞKƏNDDƏ 8 TERRORÇU ÖLDÜRÜLMÜŞDÜR

30.03.2004 [22:22]
Çap et
A⁺ A^-

AZƏRTAC-ın xüsusi müxbiri xəbər verir ki, martın 30-da səhər saat 9-da Daşkəndin 15 kilometrliyində - Kibray rayonunda milis postunda partlayış baş vermiş, bir qrup terrorçu milis işçilərinə hücum etmişdir. Müqavimətlə rastlaşan terrorçular yaxınlıqdakı yaşayış binasına soxulmuşlar. Səhər saat 9-dan 16-dək atışma olmuşdur. Partlayış və atışma nəticəsində ölənlər və yaralananlar vardır.

Özbəkistan Daxili İşlər Nazirliyindən verilən məlumata görə, 8 terrorçu öldürülmüş, onlarda olan odlu silahlar götürülmüşdür. Öldürülən terrorçular zahiri əlamətlərinə görə xarici vətəndaşlara oxşayırlar. Həmin məlumata görə, atışmada 3 milis işçisi yaralanmışdır.

İki gündür ki, Daşkəndin bütün bazarları bağlıdır. Mağazaların əksəriyyəti işləmir. Paytaxtda çox ciddi təhlükəsizlik tədbirləri həyata keçirilir. Şəhərin küçə və meydanlarında milislər və hərbçilər keşik çəkirlər. Daşkəndə hələlik giriş və çıxış yoxdur. Şəhərlərarası avtobuslar və elektrik qatarları işləmir. Paytaxtın küçələrində maşınların və adamların sayı nəzərəçarpacaq dərəcədə azalmışdır.

DAŞKƏNDDƏ 8 TERRORÇU ÖLDÜRÜLMÜŞDÜR

MÜƏLLİFLƏ ƏLAQƏ

Bölmənin digər xəbərləri