DAŞKƏNDDƏ AZƏRBAYCAN MƏTBƏXİ GÜNLƏRİ KEÇİRİLMİŞDİR
Ölkəmizin Daşkənddəki səfiri Aydın Əzimbəyov bu münasibətlə təşkil olunmuş mətbuat konfransında milli mətbəximiz haqqında ətraflı məlumat vermişdir.
Sonra mehmanxanada qəbul olmuşdur. Səfir Aydın Əzimbəyov və AKM-nin baş direktoru Tahir Əmiraslanov xarici ölkələrin Daşkənddəki səfirlərini, beynəlxalq təşkilatların nümayəndələrini, diasporumuzun üzvlərini, yerli və əcnəbi jurnalistləri salamlayaraq, onları Azərbaycan süfrəsinə dəvət etmişlər. Cürbəcür plovlar, toyuq ləvəngisi, yarpaq dolması, əcəbsəndəl, nərə balığından və ağ balıqdan hazırlanmış xörəklər, habelə şəkərbura, Gəncə paxlavası və digər şirniyyatlar qonaqların çox xoşuna gəlmişdir. Süfrəni bəzəyən bütün təamlar Bakıdan gətirilmişdir.
Azərbaycan Mədəniyyət Mərkəzləri Assosiasiyasının nəzdindəki “Azəri” rəqs ansamblının çıxışları, Vəli Şirinovun ifasında xalq mahnılarımız qonaqların zövqünü oxşamışdır.
