DAŞKƏNDDƏ ÖZBƏKİSTAN-ÇEXİYA DANIŞIQLARI
AZƏRTAC-ın Özbəkistan Milli İnformasiya Agentliyindən aldığı xəbərdə deyilir ki, prezidentlər qarşılıqlı münasibətlərin indiki vəziyyətini, inkişaf perspektivlərini müzakirə etmiş, tərəfləri maraqlandıran beynəlxalq problemlər barədə fikir mübadiləsi aparmışlar. Bildirilmişdir ki, Özbəkistan-Çexiya danışıqları iki ölkə arasında əməkdaşlığın yeni səviyyəyə qaldırılmasına təkan verəcəkdir.
Sonra danışıqlar iki ölkənin nümayəndə heyətlərinin rəsmi görüşündə davam etdirilmişdir. Görüşdə ticarət-iqtisadi əməkdaşlığın daha da inkişaf etdirilməsinə və humanitar sahədə əlaqələrin genişləndirilməsinə xüsusi diqqət yetirilmişdir.
Danışıqlar başa çatdıqdan sonra İslam Kərimov və Vatslav Klaus Birgə bəyanat imzalamışlar.
Çexiya dövlətinin başçısı Mirzə Uluqbəy adına Özbəkistan Milli Universitetinin tələbələri, professor və müəllimləri ilə də görüşmüşdür. O, elm və təhsil sahəsində əməkdaşlığın inkişaf etdirilməsinin iki ölkə üçün böyük əhəmiyyəti olduğunu bildirmişdir.
Çexiya Prezidenti Özbəkistan Milli Universitetinin fəxri doktoru seçilmişdir.
Bölmənin digər xəbərləri
