“DƏLİ” KÜR SAKİTLƏŞİR
Zərdab, 21 iyun (AZƏRTAC). Kür çayında suyun səviyyəsi enməkdə davam edir. İyunun 21-də Zərdab rayonu ərazisində suyun səviyyəsi daha 11 santimetr aşagı düşmüş, beləliklə də son vaxtlar bu enmə 1 metr 17 santimetrə çatmışdır.
Rayonda artıq uzun aylardan bəri davam edən gərginlik səngiyir, baş vermiş fəsadların aradan qaldırılması üçün tədbirlər görülür. Hazırda Fövqəladə Hallar Nazirliyinin xətti ilə əhaliyə və iqtisadiyyata dəymiş ziyanın müəyyənləşdirilməsi məqsədilə yaradılmış tərkibi 15 nəfərdən ibarət xüsusi komissiya fəaliyyətini davam etdirir.
Bölmənin digər xəbərləri
