DƏNİZ VƏ NEFT MÖVZUSUNDA SƏRGİ
Azərbaycan Dövlət incəsənət muzeyində “Azərbaycan rəssamlarının yaradıcılığında neft və dəniz mövzusu” adlı sərgi açılmışdır.
Muzeydən AZƏRTAC-a demişlər ki, sərgidə 40-dək müəllifin 70-dən çox boyakarlıq, qrafika, heykəltəraşlıq və dekorativ tətbiqi sənət nümunəsi nümayiş etdirilir. Müxtəlif illərdə yaradılmış bu əsərlər Xəzərin romantik gözəlliyini, neftçilərimizin yenilməz, qadir əməyini vəsf edir.
Sərgidə Tahir Salahovun, Nadir Qasımovun, Böyükağa Mirzəzadənin, Səttar Bəhlulzadənin, Maral Rəhmanzadənin və digər görkəmli rəssamlarımızın əsərləri nümayiş olunur.
Sərgi dekabrın axırınadək davam edəcəkdir.
Bölmənin digər xəbərləri
