DEVİD BEKHEM RUHİ XƏSTƏDİR

03.04.2006 [19:45]
Çap et
A⁺ A^-

AZƏRTAC xəbər verir ki, İngiltərə yığma futbol komandasının kapitanı Devid Bekhem Britaniya KİV-lərinə müsahibəsində etiraf etmişdir ki, ruhi xəstəlikdən, daha doğrusu, qarayaxa nevrozdan əziyyət çəkir. Madridin “Real” klubunun yarımmüdafiəçisi demişdir ki, xəstəlikdən qurtarmağa çalışır, amma hələlik mümkün olmur.

Futbolçunun sözlərinə görə, o, görməlidir ki, evində və ya mehmanxana otağında hər şey öz lazımi yerindədir. “Mən hər şeyi düz xətt boyunca düzürəm, çalışıram ki, onların sayı cüt olsun. Məsələn, “Pepsi” bankalarını soyuducuya qoyduqda görsəm ki, onlardan biri artıqdır, mən onu bufetə aparıram”.

Bekhem həmçinin etiraf etmişdir ki, “Real”ın futbolçuları onun qəribə hərəkətlərindən xəbərsizdirlər, amma keçmiş klubu “Mançester Yunayted”in oyunçuları İngiltərə yığması kapitanının həssaslıqla yanaşdığı hər şeyi qəsdən alt-üst edərək, onu cin atına mindirirdilər.

Dünya Səhiyyə Təşkilatı qarayaxa nevrozunu 10 ən üzücü xəstəlik sırasına daxil etmişdir.

DEVİD BEKHEM RUHİ XƏSTƏDİR

MÜƏLLİFLƏ ƏLAQƏ

Bölmənin digər xəbərləri