DİŞİNİ İTİRƏN YADDAŞINI DA İTİRİR
Dişlə yaddaş arasında əlaqəni uzun müddət tədqiq etmiş alimlərdən biri, İsveçin Ümeea Universitetinin professoru, tanınmış stomatoloq Yan Berqdahl deyir ki, “yaddaşın vəziyyəti barədə ilk mühüm amili dişlər büruzə verir”.
1989-cu ildən 35 yaşından 90 yaş arasında olan 1962 nəfər üzərində apardıqları elmi araşdırmalardan sonra alimlər bəyan etmişlər ki, dişləri sağlam olanların yaddaşları da yaxşı vəziyyətdə qalır. İnsanlar bütün dişlərini itirdikdən sonra onların yaddaşları da əvvəlki illərlə müqayisədə xeyli pisləşir.
Alimlərin fikrincə, dişlə yaddaş arasında əlaqə rolunu əsəb telləri oynayır. Dişlər çəkilərkən onunla əlaqəli olan əsəb telləri də öz funksiyasını itirir və beləliklə, yaddaş sistemində zəifləmə baş verir. Buna görə də həkimlər dişləri qorumağı məsləhət görürlər.
Bölmənin digər xəbərləri
