DOSTLUQ KÖRPÜLƏRİ
Hər iki diasporun nümayəndələri Beslanda törədilmiş terror aktı ilə əlaqədar hiddətlərini ifadə etmişlər. Onlar Rusiya Prezidentinə və xalqına başsağlığı teleqramı göndərmiş, terror qurbanlarına yardım fonduna vəsait köçürmüş, Moskvada keçirilən mitinqdə iştirak etmişlər.
FMMM-in prezidenti S.Sadıqov qeyd etmişdir ki, iki icmanın qarşılıqlı fəaliyyəti xalqlarımız arasında daha bir dostluq körpüsü yaradır. O demişdir: “Səyləri birləşdirməklə sərhədin hər iki tayında olan milyonlarla sadə insanın məsələlərini daha asanlıqla həll etmək, o cümlədən ümumi bəlanın - terrorizmin qarşısını almaq mümkündür”.
Azərbaycanın Rus İcmasının sədri, Milli Məclisin deputatı M.Zabelin bu ictimai təşkilatların əməkdaşlıq səviyyəsindən məmnun olduğunu bildirmişdir.
Görüşün sonunda əməkdaşlığa dair saziş imzalanmış, Böyük Vətən müharibəsinin 60 illiyinin qeyd edilməsinə, rus dilinin qorunub saxlanmasına, həmvətənlərimizin hüquqlarının qorunmasına dair konkret tədbirlər müəyyənləşdirilmişdir. Diaspor nümayəndələri ümummilli liderimiz Heydər Əliyev haqqında kitab nəşr etdirmək barədə razılığa gəlmişlər.
Bölmənin digər xəbərləri
