DÜNYA MƏSKUNLAŞMA GÜNÜ MÜNASİBƏTİLƏ
Oktyabrın 7-də Birləşmiş Millətlər Təşkilatı Dünya Xabitat (yaşayış məntəqələri) Gününü qeyd etmişdir. Bununla əlaqədar, BMT-nin baş katibi Kofi Annanın bəyanatı yayılmışdır.
Bəyanatda deyilir ki, XX1 əsrdə bəşəriyyət qarşısında duran başlıca problem urbanizasiya ilə bağlı məsələlərin həllidir. BMT-nin hesablamalarına görə, 2005-ci ilədək dünya əhalisinin 60 faizdən çoxu şəhərlərdə yaşayacaqdır. Bu, 2000-ci ildəki 47 faizlə müqayisədə xeyli çoxdur. Lakin mənzil və şəhər problemləri təşviş doğurur. Dünyada milyonlarla adamın mənzil şəraiti ailənin və insan cəmiyyətinin sağlamlığı üçün zəruri olan minimum standartlardan aşağıdır.
Bəyanatda əsas problemləri həll etmək, əhalinin gələcəyini təmin etmək üçün yerli idarəetmə orqanlarının müxtəlif metodlar axtarıb tapması məqsədi ilə şəhərlərin əməkdaşlığının zəruriliyi vurğulanır.
Bölmənin digər xəbərləri
