DÜNYADA 793 MİLYARDER VAR

10.03.2006 [17:07]
Çap et
A⁺ A^-

AZƏRTAC xəbər verir ki, ABŞ-ın “Forbes” jurnalının məlumatına görə, bir il ərzində dünyada dollar milyarderlərinin sayı 102 nəfər artaraq, 793-ə çatmışdır. Varlıların sürətlə artmasına inkişaf edən ölkələrdəki fond bazarları səbəb olmuşdur. Rusiyada bu bazarların kapitallaşması 108 faiz, Hindistanda 54 faiz, Braziliyada 38 faiz artmışdır. ABŞ-da fond bazarı yalnız 1 faiz artsa da, dünya milyarderləri siyahısında amerikalılar üstünlük təşkil edirlər.

“Microsoft” korporasiyasının başçısı Bill Geyts planetin ən varlı sakini olaraq qalır. 12 il ərzində dünya milyarderləri siyahısının birinci onluğuna başçılıq edən Bill Geytsin var-dövləti bir il ərzində 46,5 milyard dollardan 50 milyard dollaradək çoxalmışdır. İkinci yeri məşhur ABŞ sərmayəçisi Uorren Baffet (42 milyard dollar), üçüncü yeri Meksika telekommunikasiya maqnatı Karlos Slim Elu (30 milyard dollar) tuturlar.

Rusiyanın Çukotka vilayətinin qubernatoru Roman Abramoviç (18,2 milyard dollar) 11-ci yerdədir. Ümumiyyətlə, siyahının birinci yüzlüyünə 33 rusiyalı, o cümlədən həmyerlimiz, LUKoyl şirkətinin başçısı Vahid Ələkbərov (11 milyard dollarla 37-ci yer) da daxildir. Moskva milyarder sakinlərinə görə dünyada ikinci yeri tutur. Nyu-Yorkda 40, Moskvada 25, Londonda isə 23 milyarder yaşayır. Siyahıda ən gənc milyarder ötən il qətlə yetirilən Livanın keçmiş baş naziri Rəfiq Həririnin qızı, 22 yaşlı Hind Həriridir (1,4 milyard dollar).

DÜNYADA 793 MİLYARDER VAR

MÜƏLLİFLƏ ƏLAQƏ

Bölmənin digər xəbərləri