DÜNYADA ƏN UCABOYLU ADAM EVLƏNİR
AZƏRTAC Frans Press agentliyinə istinadla xəbər verir ki, ötən il “Ginnessin rekordlar kitabı”na görə dünyada ən ucaboylu adam sayılmış çoban Bao Sişun özünə sevgili tapmışdır. Boyu 2 metr 36 santimetr olan 56 yaşlı Çin sakini 28 yaşlı satıcı Sya Şutszyuanla evlənir. Satıcı qızın 1 metr 68 santimetr boyu adaxlısının dirsəyinə zorla çatır.
Bao gələcək xanımının axtarışına ötən il başlamış və hətta ölkənin müxtəlif bölgələrindən 20-dən çox cavab almışdı. Lakin öz taleyini Çinin şimalında yerləşən doğma Daxili Monqolustan bölgəsində tapmışdır. Bir aylıq tanışlıqdan sonra Bao və Sya bu ilin yayında toylarını etməyi qərara almışlar.
Bölmənin digər xəbərləri
