DÜŞƏNBƏDƏ YANACAQ BÖHRANI
AZƏRTAC-ın müxbirinin verdiyi xəbərə görə, Düşənbədə yanacaq böhranı yaranmışdır. Son bir həftə ərzində Tacikistanın paytaxtında benzinin qiyməti bir neçə dəfə bahalaşmışdır. Yanacaqdoldurma məntəqələrinin əksəriyyəti işləmir. İşləyən məntəqələrdə isə sürücülər saatlarla növbə gözləməli olurlar. Şəhərdə maşınların sayı da yarıbayarı azalmışdır. İndi Tacikistanda benzinin litrinin qiyməti bir dollardan artıqdır.
Bu böhranın yaranmasına səbəb Özbəkistanın Tacikistana yanacaq-sürtkü materialları göndərilməsini dayandırmasıdır. Tacikistan tərəfinin sorğusuna Özbəkistan belə cavab vermişdir: “Biz daxili bazarın tələbatını ödəyə bilmiriksə, xaricə yanacaq satmağımız gülünc görünür”.
Bölmənin digər xəbərləri
