DYP Anım Günü ilə bağlı müraciət edib
Bakı, 26 sentyabr, AZƏRTAC
Bakı şəhər Dövlət Yol Polisi İdarəsi 27 Sentyabr - Anım Günü ilə bağlı müraciət edib.
Bu barədə AZƏRTAC-a idarənin baş inspektoru, polis mayoru Araz Əsgərli məlumat verib. Bildirib ki, yol polisi Şəhidlər xiyabanı və İkinci Fəxri xiyabana ziyarətçilərin hər il olduğu kimi axınını nəzərə alaraq həmin ərazilərdə gün ərzində təhlükəsizliyi təmin etmək məqsədilə nizamlayıcı qismində xidməti təşkil edəcək: “Lakin bütün ziyarət edən şəxslərdən xahiş edirik ki, hərəkətin intensivliyini nəzərə alaraq, əraziyə şəxsi avtomobilləri ilə deyil, ictimai nəqliyyatla gəlməyə üstünlük versinlər. Şəxsi minik avtomobilləri ilə gələn ziyarətçilərdən isə avtomobillərini yolun hərəkət istiqamətindən saxlamamağı xahiş edirik”.
Bölmənin digər xəbərləri
