Egey dənizində 141 qanunsuz miqrant saxlanılıb
İstanbul, 31 may, Günel Karatepe, AZƏRTAC
Egey dənizində qeyri-qanuni yollarla Türkiyədən Yunanıstana keçmək istəyən 141 miqrant saxlanılıb. Onlardan 48-i azyaşlıdır.
AZƏRTAC xəbər verir ki, Türkiyənin İzmir vilayətinin sahillərinə yaxın sularda aşkar edilən şəxslər rezin qayıqlarla başqa ölkəyə keçməyə cəhd göstəriblər. Onlardan 52-i Yunanıstan tərəfindən geri göndərilib. Batmaq təhlükəsi ilə üzləşən qayıqlardan Türkiyənin Sahil Mühafizə Xidmətinin əməkdaşları tərəfindən xilas edilən miqrantların 17-si uşaqdır.
İzmirdə insan qaçaqmalçılığında şübhəli bilinən və hadisə ilə əlaqəsi olduğu ehtimal edilən iki nəfər saxlanılıb.
Miqrantlar aidiyyəti qurumlara təhvil verilib.
Bölmənin digər xəbərləri
