Egey dənizində 5,7 bal gücündə zəlzələ baş verib
Afina, 25 yanvar, AZƏRTAC
Egey dənizində yerləşən Rodos adasının sahilində 5,7 bal gücündə güclü zəlzələ baş verib.
AZƏRTAC xəbər verir ki, Afina Geodinamik İnstitutunun məlumatına görə, yeraltı təkanların episentri Lindos şəhərindən 65 kilometr cənub-şərqdə, zəlzələnin ocağı 10 kilometr dərinlikdə yerləşib.
Zəlzələ Rodos, Karpatos və digər yaxınlıqdakı adalarda hiss olunub. Zəlzələnin mənbəyi dənizdə olduğundan ciddi dağıntı qeydə alınmayıb.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
