Əhaliyə iqlim dəyişmələri barədə məlumat veriləcəkdir
Bakı, 22 avqust (AZƏRTAC). Ekoloji Maarifçilik və Monitorinq İctimai Birliyi (EMMİB) “Sumqayıt şəhərində yerli icra orqanları nümayəndələrinin, özəl sektor nümayəndələrinin və əhalinin digər təbəqələrinin alternativ enerjidən istifadə sahələri üzrə maarifləndirilməsi” layihəsinin icrasına başlamışdır.
EMMİB-dən AZƏRTAC-a bildirmişlər ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyəsi ilə həyata keçirilən layihənin əsas məqsədi Sumqayıt əhalisi arasında alternativ enerjidən istifadə qaydaları ilə bağlı geniş maarifləndirmə işi aparmaqdır.
Layihə çərçivəsində tükənməyən enerji mənbələrindən özəl sektorda istifadə üzrə geniş təbliğat kampaniyası keçiriləcəkdir. Eyni zamanda, yerli əhaliyə gözlənilən iqlim dəyişmələri və onu yaradan səbəblər, neft və qazın tükənən sərvət olduğu, bu sərvətlərin istifadəsi zamanı yaranan ekoloji problemlər barədə məlumat veriləcəkdir.
Bölmənin digər xəbərləri
