“EKSPRESSİV” KOMPYUTER YARADILMIŞDIR
AZƏRTAC İTAR-TASS-a istinadla xəbər verir ki, Massaçuset Texnoloji İnstitutunun (ABŞ) alimləri öz sahibinin ovqatını sezən və ona stresin öhdəsindən gəlməkdə kömək edən kompyuter yaratmışlar.
Britaniyanın “Nyu Sayəntist” həftəliyində dərc edilmiş məqalədə deyilir ki, əgər kompyuterdə işləyən adam çox pis əhval-ruhiyyədədirsə, displeyin ekranında göz yaşları görünür. Onun sahibi gözəl ovqatda olduqda isə, kompyuter gülməyə başlayır.
İnsanın ovqatını sezməyə displeydə quraşdırılmış geniş imkanlı kamera kömək edir. Kamera xüsusi proqrama informasiya göndərir və proqram insan sifətinin mimikasının dəyişməsindən asılı olaraq, kompyuter emosiyaları yaradır.
Nəşrin yazdığına görə, dünyada ilk “ekspressiv” kompyuter geniş elmi dairələrdə böyük maraq doğurmuşdur.
Bölmənin digər xəbərləri
