EKSTRASENS TAYSONU DÖYÜŞƏ ÇAĞIRIR
AZƏRTAC informasiya agentliklərinə istinadla xəbər verir ki, Mayk Taysona belə qeyri-adi təklifi israilli parapsixoloq Oren Zarif etmişdir. Kaşpirovskinin ardıcılı sübuta yetirmək niyyətindədir ki, böyük rinq “əjdaha”sının fiziki gücü gizli bilik mütəxəssisinin əl hərəkətləri ilə müqayisədə heç nədir.
İsrailli əmindir ki, “Dəmir Maykı” rinqdə “quzu”ya çevirəcəkdir. Onu çəkiləri arasındakı böyük fərq də qorxutmur - Zarif 67, Tayson isə 107 kiloqram ağırlığındadır.
Döyüşün mükafat fondu 5 milyon dollardır. Təbii ki, onu qalib alacaqdır.
Xatırladaq ki, əfsanəvi Tayson karyerasını 2006-cı il iyulun 11-də, irlandiyalı Makbrayda nokautla uduzduqdan sonra başa çatdırmışdır.
Bölmənin digər xəbərləri
