ƏLCƏZAİRDƏ ZƏLZƏLƏ
AZƏRTAC-ın xarici informasiya agentliklərindən aldığı xəbərdə deyilir ki, yanvarın 10-da axşam Əlcəzairin Bumerdes əyalətində baş vermiş zəlzələ nəticəsində, son məlumata görə, 300-dək adam yaralanmışdır. Tələfat və dağıntı barədə xəbər yoxdur.
Zəlzələnin gücü Rixter cədvəli ilə 5,7 bal olmuşdur.
Xatırladaq ki, ötən il mayın 21-də Bumerdes bölgəsində baş vermiş dağıdıcı təbii fəlakət zamanı 2300 adam həlak olmuş, 11 mindən cox əlcəzairli yaralanmış, on minlərlə insan evsiz-eşiksiz qalmışdır. Zəlzələ Zəmmuri şəhərini, demək olar, tamamilə dağıtmışdır.
Bölmənin digər xəbərləri
