Azərbaycan Dövlət İnformasiya Agentliyi

Əlli yaşlı fakültə

Əlli yaşlı fakültə

Burada Azərbaycanın tanınmış praktik və nəzəriyyəçi memarları dərs deyirlər

Bakı, 26 noyabr, Ramiz Quliyev, AZƏRTAC

Milli memarlığın inkişafına böyük töhfələr verən Azərbaycan Memarlıq və İnşaat Universitetinin (AzMİU) memarlıq fakültəsinin yaranmasının 50 ili tamam olur.

Bununla bağlı fakültənin dekanı, Azərbaycanın Əməkdar memarı Zahidə Məmmədova AZƏRTAC-a müsahibə verib.

- Zahidə xanım, Azərbaycan memarlığı yarandığı gündən böyük inkişaf yolu keçib. Xüsusilə də XX və XXI əsrlərdə Bakıda və regionlarda gözəl memarlıq ansamblları yaradılıb ki, bu işdə memarlıq fakültəsinin məzunlarının da məxsusi xidmətləri var. Hazırda fakültədə nə qədər tələbə təhsil alır?

- İlk növbədə, qeyd etmək istərdim ki, 1968-ci ildən müstəqil olaraq fəaliyyət göstərən memarlıq fakültəsində Azərbaycanın tanınmış praktik və nəzəriyyəçi memarları dərs deyirlər. Fakültədə bakalavr səviyyəsində 900-ə yaxın tələbə, magistraturada isə 70-dək tələbə təhsil alır. Tədris 3 dildə - Azərbaycan, rus və ingilis dillərindədir. Hazırda fakültədə Türkiyə, İran, İraq, Suriya, Rusiya, Türkmənistan, Qazaxıstan, Əfqanıstan və digər ölkələrdən 200-dən çox tələbə təhsil alır. Memarlıq fakültəsində bakalavr pilləsində 3 ixtisas üzrə tələbə hazırlığı aparılır. Bunlar memarlıq, dizayn və keçən ildən tədrisinə başladığımız şəhərsalma ixtisaslarıdır. Bundan əlavə, magistratura səviyyəsində “Bina və qurğular”, “Şəhərsalma”, “Memarlıq abidələrinin bərpası və yenidən qurulması”, “Mühit dizaynı”, “Landşaft memarlığı” və “Dizayn” üzrə elmi ixtisaslaşma həyata keçirilir.

- Avropanın qabaqcıl təhsil müəssisələrində tələbələrin nəzəri bilikləri ilə yanaşı, müəssisələrdə təcrübə keçmələrinə xüsusi önəm verilir. AZMİU-da bu məsələyə diqqət ayrılırmı?

- Universitetin istehsalat təcrübəsi çox genişdir. Belə ki, tələbələr 7 semestr təhsil alır, 8-ci semestr isə 14 həftəlik istehsalat təcrübəsi keçirlər. Onlar aparıcı layihə institutları “Azərdövlətlayihə”, “Azərtikintilayihə”, “Azərmemarlayihə”, “Bakışəhərdövlətlayihə”də, “Azərbərpa” Elmi-Tədqiqat Layihə İnstitutunda, partnyorlarımız olan “EmbaWOOD” mebel fabrikində, “Aksesuar İnşaat” şirkətində və digər layihə təşkilatlarında təcrübə keçirlər.

- Memarlıq fakültəsinin tələbələri hansı beynəlxalq müsabiqələrdə uğura imza atıblar?

- 1975-ci ildən Memarlıq Təhsilinə Beynəlxalq İctimai Yardım Təşkilatı (MOOCAO) fəaliyyət göstərir. Bu təşkilatın keçirdiyi müsabiqə çox nüfuzlu hesab edilir. 2014-cü ildə növbəti 23-cü müsabiqə AZMİU-nun bazasında təşkil olunub, 300-ə yaxın iştirakçının qatıldığı müsabiqədə 600-dən artıq buraxılış, magistr işləri sərgilənib. Müsabiqəyə 6 ölkədən 53 memarlıq məktəbi qatılmışdı. Həmin ölkələrdən gələn müsabiqə iştirakçılarını Azərbaycan memarlığı və Bakı şəhərinin gözəlliyi valeh eləmişdi.

Müsabiqədən artıq 4 il keçməsinə baxmayaraq, iştirakçılar və qonaqlar bu müsabiqənin digərlərindən daha yaxşı təşkil olunduğunu qeyd edirlər. Bu il də biz MOOCAO-nun xətti ilə Rusiya Federasiyasının Volqoqrad şəhərində təşkil edilmiş XXVII müsabiqəyə 24 buraxılış və magistr işi apardıq. Həmin işlərdən 9-u 1-cı dərəcəli, 15-i isə 2-ci dərəcəli diplomlara layiq görülüb. Digər beynəlxalq müsabiqədə də uğur qazanmışıq. Fakültənin 2018-ci il məzunlarının 5 buraxılış və magistr işi Poltava Milli Texniki Universitetinin keçirdiyi müsabiqədə 1-ci dərəcəli diplomlara layiq görülüb.

Bundan başqa, Qazaxıstanda təşkil edilən Avrasiya müsabiqəsində də iştirak edirik. Bu müsabiqələr müxtəlif ölkələrdə, məsələn, Şimali Kipr, Türkiyə, Rusiya, Moldovada keçirilib. Tələbələrimiz bu müsabiqələrdə abidələrin bərpası, şəhərsalma, memarlıq və dizayn mövzularında yüksək nəticələr göstərirlər.

Memarlıq fakültəsinin tələbələri respublika müsabiqələrində də uğurla iştirak edirlər. “Məhv olmuş, dağılmış abidələr və Şirvanşahlar taxtı” müsabiqəsinə respublikanın universitetləri ilə yanaşı, fakültəmizin tələbələri də qoşulublar. Bu ilin mart ayında elan olunmuş müsabiqəyə oktyabr ayında yekun vurulub. Memarlıq fakültəsinin 4-cü kurs tələbələri Fazil Hümbətov və Züleyxa Məmmədova müsabiqənin qalibləri elan edilib, onların layihə işi Heydər Əliyev Mərkəzində sərgilənib.

Onu da qeyd edim ki, universitetin yeni korpusu istifadəyə verilib. Yeni geniş, rahat, işıqlı layihə studiyaları tələbələrin ixtiyarındadır. Biz oktyabrda həmin binada tədrisə başlamışıq. Bütün texniki avadanlığı və kompüterləri fakültəmizə Türk İşbirliyi və Koordinasiya Agentliyi hədiyyə edib.

Layihə dərslərində kompüter texnolgiyalarına üstünlük veririk, həmçinin Avropa ölkələrindəki məktəblərdən fərqli olaraq əl işlərini və rəsm dərslərini saxlamışıq. Xüsusi olaraq qeyd etmək istəyirəm ki, memarlıq, dizayn, şəhərsalma ixtisaslarına tələbə qəbulu zamanı rəsm və rəsmxətdən qabiliyyət imtahanlarının keçirilməsi mütləqdir.

- Memarlıq fakültəsinin beynəlxalq əlaqələrinin genişləndirilməsi istiqamətində hansı işlər görülür?

- 2007-ci ildə UNESCO-nun Ümumdünya mədəni və tarixi irsin qorunması haqqında Konvensiyası əsasında İtaliyanın Florensiya Universitetinin Memarlıq Məktəbi və AzMİU tərəfindən “Mədəni irs və yerli inkişaf” mövzusunda birgə elmi layihə yerinə yetirilib. Layihə çərçivəsində 2008-ci ildə İtaliyadan 13 nəfərlik müəllim-tələbə heyəti Bakıya ezam olunub.

Hər iki ali məktəbin tələbə və müəllim heyətindən ibarət işçi qruplar yaradılıb və bir həftə ərzində İçərişəhərin tarixi küçəsinin memarlıq abidələrinin nümunəsində fotoqrammetrik ölçmələr aparılıb. Bu müştərək layihə nəticəsində memarlıq fakültəsində abidələrin bərpası istiqamətində layihə və buraxılış işlərinin keyfiyyəti artıb, tələbələrdə mədəni irsin mühafizəsinə olan maraq yüksəlib. Universitetimizin memarlıq fakültəsinin və Florensiya Memarlıq Məktəbinin müəllim və tələbələri həm Bakıda, həm də Florensiyada seminarlar keçiriblər. Universitetimizin qərargahı Florensiyada yerləşən Romualdo del Bianko Mədəniyyət Fondu ilə əməkdaşlığı 2003-cü ildən başlayıb. 2006-cı ildən etibarən Fond ilə birlikdə beynəlxalq konfranslar təşkil edilir. AzMİU-nun təşəbbüsü ilə Bakıda universitetimizin bazasında 2 dəfə memarlıq ixtisası üzrə buraxılış işlərinin “Degree and profession” (“Dərəcə və ixtisas”) adlı regional beynəlxalq festivalı keçirilib. Həmin festivallarda Qazaxıstan, Gürcüstan, Rusiya və başqa ölkələrin memarlıq məktəbləri də iştirak edib. Memarlıq fakültəsinin 5 tələbəsi “University Delegate” proqramı üzrə 2011-2013-cü illərdə Romualdo del Bianko Mədəniyyət Fondunda 1 aylıq staj keçib. Fondun keçirdiyi müxtəlif tədbirlərdə tələbələrimiz uğurla öz bilik və bacarıqlarını nümayiş etdirib, beynəlxalq diplom və sertifikatlara layiq görülüblər.

2011-ci ilin dekabrında AzMİU ilə Fond arasında “Life beyond tourism - Turizmdən kənar həyat”ın təşviqinə həsr olunmuş anlaşma memorandumu imzalanıb. Beş il ərzində ölkələrarası elmin və təhsilin inkişafında göstərdiyi xidmətlərə görə Fondun prezidenti Paolo del Bianko universitetimizin fəxri doktoru diplomu ilə təltif olunub.

Milli memarlıq nümunələrinin qarşılıqlı tanıdılması işində üzvü olduğumuz Romualdo del Bianko Mədəniyyət Fondunun əvəzsiz xidmətləri olub. Fond tərəfindən Florensiyada keçirilən festival və seminarlarda tələbələrimiz İtaliyanın müxtəlif şəhərlərinin memarlıq abidələri ilə tanış olaraq konkret mövzularda tapşırıqlar yerinə yetirib, Bakıda təşkil olunan regional festivallarda Azərbaycan memarlığını iştirakçılara tanıdıblar. 2008-ci ildə Florensiyada bu fondun dəstəyi ilə “Azərbaycanın memarlıq irsi” sərgisi keçirilib, birgə təşkil olunmuş elmi konfransda ölkəmizin memarlıq irsi ilə bağlı bir çox məruzələr təqdim olunub. Xüsusilə “Yeni sosial-siyasi vəziyyətdə tarixi memarlıq irsi”, “Memarlıq abidələrinin müasir şəraitdə qorunma problemləri”, “Memarlıq irsinin qorunması və uyğunlaşdırılması” kimi beynəlxalq elmi konfranslar önəmli olub.

Sonuncu dəfə 2016-cı ilin dekabrında AzMİU və Romualdo del Bianko Mədəniyyət Fondunun həmtəşkilatçılığı ilə Florensiyada Azərbaycanın müasir memarlığına həsr olunmuş sərgi təşkil olunub, ölkəmizin müasir memarlıq abidələri sərgi iştirakçılarına təqdim edilib və gələcəkdə sərgilənməsi məqsədilə Azərbaycanın İtaliyadakı səfirliyinə hədiyyə olunub.

Bundan başqa, son illər İtaliya səfirliyinin təşəbbüsü ilə AzMİU-nun müəllim və tələbələrinin italyan memar və dizaynerlərlə görüşləri keçirilir. Milan Politexnik Universiteti ilə əməkdaşlığı xüsusi qeyd etmək istərdim. Memarlıq fakültəsinin Milan Politexnik Universitetinin professor heyəti ilə əlaqələri çoxdan yaranıb. Hələ neçə il bundan əvvəl Bakıda Tarix Muzeyinin bərpa layihəsində iştirak etmiş həmin universitetin professorları Françesko Matsola və Luidji Ckrinsi fakültə tələbələrinə dəfələrlə ustad dərsləri keçib, onları Bakıda reallaşdırdıqları bərpa işləri ilə tanış ediblər. Qeyd etmək lazımdır ki, Luidji Ckrinsi Qobustandakı tarixi daş abidənin konservasiya müəllifidir. Təhsil sahəsində əməkdaşlıq 2013-2018-ci illərdə Avropa İttifaqının beynəlxalq tələbə mübadilə proqramı “Erasmus” çərçivəsində AzMİU-nun memarlıq fakültəsinin bakalavr və magistr səviyyələrinin tələbələrinin Milan Politexnik Universitetində 1 və ya 2 semestr təhsil almaqları ilə başlayıb. Milan Texniki Universitetinin 1 tələbəsi isə AzMİU-da təhsil mübadiləsinə cəlb olunub. 2016-2017-ci tədris ilində “Erasmus” mübadiləsi üzrə memarlıq fakültəsinin 2 doktorantı Milan Politexnik Universitetində staj keçib. “Erasmus” proqramı və universitetlərarası ikitərəfli əməkdaşlıq çərçivəsində Milan Politexnik Universitetinin 4 müəllimi AzMİU-da tədris prosesinə cəlb olunub. Bu mübadilələrdə cəmi 12 tələbə və doktorant iştirak edir. 2017-ci ilin aprelində “Erasmus” layihəsi çərçivəsində universitetə ezam olunmuş Milan Politexnik Universitetinin professoru Nora Lombardini AzMİU-da beynəlxalq abidələr gününə həsr edilmiş “Memarlıq irsinin mühafizəsi” adlı elmi konfransda tələbələr qarşısında mühazirələrlə çıxış edib.

Hazırda Milan Politexnik Universitetinin professor-müəllim heyətinin peşəkarlığından istifadə edərək universitetdə və bütövlükdə Azərbaycanda dizayn ixtisasını modernləşdirmək, onu İtaliya dizayn təhsili formatında yenidən qurmaq, onların təhsil metodikasından yararlanaraq tədris proqramlarımızı beynəlxalq standartlar səviyyəsinə adaptasiya etmək rektorumuz Gülçöhrə Məmmədovanın təşəbbüsüdür. Digər hədəfimiz Milan Politexnik Universitetilə ikili diplom proqramını reallaşdırmaqdır. İtaliyanın dizayn sektorunda tanınan professorları AzMİU-da dizayn təhsilinin inkişafı üçün əllərindən gələn köməyi etməyə hazırdırlar.

Hazırda fakültədə bakalavr səviyyəsində “İnteryer dizaynı” və “Qrafik dizayn”, magistr səviyyəsində isə “Dizayn” və yeni ixtisas olan “Vizual dizayn və media” üzrə mütəxəssis hazırlığı aparılır. AzMİU-nun məqsədi Milan Politexnik Universitetinin təcrübəsinə əsaslanaraq Azərbaycanda dizayn təhsilini nümunəvi səviyyəyə yüksəltmək və dizaynın bütün sahələri mütəxəssis yetişdirməkdir. Əməkdaşlığı həyata keçirmək üçün AzMİU-nun “Dizayn” kafedrasının yetərincə elmi potensialı və pedaqoji təcrübəsi vardır. AzMİU-nun bazasında ölkəmizdə müasir laboratoriya şəbəkəsinə, istehsalatla geniş əlaqələrə malik Azərbaycan-İtaliya Dizayn Mərkəzi yaratmaq və bu mərkəzin imkanlarından istifadə edərək dizayn üzrə mütəxəssis hazırlığını müasir tələblər səviyyəsinə yüksəltməkdir.

- Rəhbərlik etdiyiniz fakültədə təhsilin Avropa təhsil sisteminə inteqrasiyası ilə bağlı fikirlərinizi bilmək maraqlı olardı...

-Fakültəmizi beynəlxalq arenada tanıtmaq bizim üçün çox önəmlidir. Ona görə də 2015-ci ildən bəri memarlıq ixtisasının bakalavr pilləsində beynəlxalq akkreditasiyanı keçirməyi və son akkreditasiyanı mərkəzi ofisi Londonda yerləşən RİBA-dan (Royal İnstitut British Architect) almaq ərəfəsindəyik. Burada dünyanın bir çox ölkələrindən tələbələr memarlıq təhsili alır. RİBA Avropa memarlıq məktəblərinə akkreditasiya verən mötəbər bir qurumdur. RİBA-dan bir sıra şərtlər daxilində akkreditasiyadan keçmək mümkündür. Ən əsası isə layihə, kurs və buraxılış işlərinə olan tələblərdir. Yeri gəlmişkən, RİBA ötən ilin dekabrında öz sərgisini universitetimizdə təşkil edib.

Təhsilimizi Avropa təhsil sisteminə inteqrasiya etməyə çalışırıq. Universitetimiz partnyor olaraq Türkiyənin Orta Doğu Universitetini götürüb. Həmin universitetdə olarkən oradakı təhsillə yaxından tanış olduq. Bu ildən təhsil proqramımızı bu universitetin təhsil proqramına uyğunlaşdırdıq və pilot təhsil proqramı tərtib etdik, buraxılış və kurs işlərinə verilən tələbləri daha da sərtləşdirdik, onların tərkibinin daha da dolğun olmasını qarşıya məqsəd qoyduq. Kurs və buraxılış işləri bir çox məqamları özündə birləşdirməlidir. Yəni tapşırıq yalnız memarlıq həllinin icrasından ibarət olmamalı, həmin ərazinin iqlimi, ekoloji problemləri, geologiyası, mühiti, landşaft, relyef, şəhərsalma məsələləri araşdırılmalı və kompleks layihə təqdim edilməlidır.

Memarlıq fakültəsi təhsil sahəsində mübadilə layihələrində də çox fəaldır. Məsələn, “Erasmus+” tələbə-müəllim mübadilə proqramı üzrə İtaliya və Litvanın universitetlərində bakalavr, magistr və doktorantlarımız uğurla iştirak edirlər. “Mövlana” tələbə mübadilə proqramı çərçivəsində tələbələrimiz Türkiyənin aparıcı universitetlərində təhsil alırlar. Mübadilə proqramları çərçivəsində Türkiyə, Almaniya, İspaniya kimi xarici ölkələrdən də AZMİU-da təhsil almağa gələnlər var. Beynəlxalq “Rethink” layihəsi çərçivəsində Lissabon universiteti ilə magistratura səviyyəsi ilə yanaşı, memarlıq, şəhərsalma və dizayn ixtisasları üzrə doktorantlar üçün ikili diplom müqaviləsi imzalanıb.

Xəbəri sosial şəbəkələrdə paylaşın

Bizi sosial şəbəkələrdə izləyin

Fransada bahalaşmaya və aşağı əməkhaqlarına qarşı kütləvi etiraz aksiyaları keçirilib

Lənkəranda bıçaqla ehtiyatsız davranan yeniyetmə xəsarət alıb

Marmara Universitetində Türkiyə-Azərbaycan münasibətlərinin mediada işıqlandırılması müzakirə edilib

ABŞ yeni termonüvə bombası hazırlamağı planlaşdırır

UEFA Millətlər Liqası: Danimarka Norveçlə heç-heçə edib, Ukrayna Gürcüstana qalib gəlib

İsveç Ukraynaya hərbi yardımı artırır

Əziz Ələkbərli: Gülarə Əliyevanın zəngin musiqi irsinin yaşadılması mühüm əhəmiyyət daşıyır

Ukrayna “Ramştayn” formatında keçirilən konfransın nəticələrini dəyərləndirib

Rutte: NATO ölkələri Ukraynaya silah alınması üçün ABŞ-yə 10 milyard dollardan çox vəsait ödəyib

Aktoti Raimkulova: Gülarə Əliyevanın yaradıcılığı bütövlükdə Türk dünyasının mədəni sərvəti və irsidir

Salyanda piyadanın ölümü ilə nəticələnən yol qəzası olub VİDEO

Salyanda piyadanın ölümü ilə nəticələnən yol qəzası olub VİDEO

Azərbaycanın Kudo üzrə yeganə dünya çempionu ikinci dəfə Avropa çempionu olub

Tanınmış bəstəkar Gülarə Əliyevanın xatirəsi anılıb VİDEO

Tanınmış bəstəkar Gülarə Əliyevanın xatirəsi anılıb VİDEO

Rusiyada An-12 təyyarəsinin qəzaya uğraması nəticəsində 17 nəfər həlak olub YENİLƏNİB

Qazaxın kəndlərində təsərrüfat sahiblərinin və fermerlərin müraciətləri dinlənilib

MDB ölkələri terror təhlükələrinə qarşı birgə mübarizə sahəsində əhəmiyyətli təcrübə toplayıblar

Alim: Süni intellekt tarixçini əvəz etməyəcək, amma keçmişin öyrənilməsinə yanaşmanı dəyişəcək

Azərbaycan və ABŞ arasında aqrar sahədə əməkdaşlığın genişləndirilməsi müzakirə edilib

Mobil telefon uşaq üçün bir növ “təsəlli örtüyü”nə çevrilib - Neyropsixiatr Teo Kompernollenin ŞƏRHİ

Qazaxda V İdman Festivalına start verilib

Göyçayda aqrar təsərrüfatlara növbəti baxış keçirilib

Özbək xoreoqraf: Azərbaycan rəqsi ilə ən yaxın oxşarlıqlar Fərqanə məktəbində müşahidə olunur

2027-ci ilin dövlət büdcəsi layihəsi Milli Məclisdə birinci oxunuşda qəbul edilib - YENİLƏNİB VİDEO

2027-ci ilin dövlət büdcəsi layihəsi Milli Məclisdə birinci oxunuşda qəbul edilib - YENİLƏNİB VİDEO

“Nvidia”nın maliyyə hesabatından sonra bazar dəyərində 335 milyard dollarlıq dəyişiklik gözlənilir

Muxtar Babayev: Azərbaycan üçün su təhlükəsizliyi strateji milli prioritetdir

Ankara Dövlət Konservatoriyasında “Nizami” simfoniyası təqdim ediləcək

COP31: Azərbaycan pavilyonunda “Xəzər dənizi üzrə yüksəksəviyyəli tədbir” keçirilib

Yoxlama oyunu: Azərbaycan millisi Omana ikinci dəfə qalib gəlib

Milli Dirçəliş Günü münasibətilə Azərbaycan Ordusunda silsilə tədbirlər keçirilib

Futbol formasından əlfəcinədək... “Zumerlər” nəyi kolleksiya etməyi sevirlər? –  SORĞU

COP31-də ziyarətçilər 1926-cı və 2100-cü illərin iqlim şəraitini təcrübədən keçirirlər

Türk ekspert: 17 noyabr xalqın öz müqəddəratına sahib çıxmaq iradəsinin tarixə yazıldığı gündür

“Mançester Yunayted” almaniyalı futbolçunu transfer etmək istəyir

Asan yol, yoxsa sağlamlıq riski? VİDEO

Asan yol, yoxsa sağlamlıq riski? VİDEO

COP31 çərçivəsində “Antalya Okeanlar və Dənizlər Razılaşması” əldə olunub

Azərbaycanın yaşıl enerji potensialı Avropa ilə əməkdaşlığın genişləndirilməsi üçün yeni imkanlar yaradır - ŞƏRH

“Sıfır Atık’” Fondunun sədri: Azərbaycan və Türkiyə COP31-də ortaq ekoloji təşəbbüslərlə çıxış edir

İşəgötürənlərin gender bərabərliyinin təmin olunmasında rolu müzakirə edilib

Nyu-Yorkda Azərbaycanın Zəfər Gününə həsr olunan şahmat turniri

Britaniya İordan çayının qərb sahilində tikinti işlərində iştirak edən İsrail şirkətlərinə sanksiya tətbiq edib

Bakıdakı şadlıq saraylarında monitorinq: 47 obyektdən 41-də nöqsanlar aşkarlanıb

Bakı İqlim Fəaliyyəti Həftəsi qlobal İqlim Həftələri əməkdaşlığına qoşulub

Azərbaycan Aİ-nin Brüsseldə keçirilən nazirlər toplantısında təmsil olunub

Almaniyanın xarici işlər naziri Bakıda Şəhidlər xiyabanını ziyarət edib

Azərbaycanda inklüziv təhsilə dəstək məqsədli layihə uğurla tamamlanıb

Birgə Bəyannamə Azərbaycan-Böyük Britaniya münasibətlərində yeni mərhələnin əsasını qoyur ŞƏRH

Şərq intibah poeziyasının Xaqanı - elmi-praktik konfrans

Qubada Şimal-şərqi Azərbaycanda erkən şəhər mədəniyyəti mövzusu müzakirə olunacaq

Azərbaycanlı və almaniyalı tədqiqatçılar plastik çirklənmənin həlli yollarını araşdırıblar

“Azərpoçt”un adından istifadə edilməklə yeni fişinq kampaniyası həyata keçirilir - XƏBƏRDARLIQ

® “Bakcell” gənclər üçün növbəti süni intellekt hakatonunu keçirib

Rusiyanın “Timeweb” hostinq provayderində genişmiqyaslı nasazlıq baş verib

Azərbaycan Ordusunun Baş Qərargah rəisi gürcüstanlı həmkarı ilə görüşüb

Siyasi şərhçi: Azərbaycanın enerji və nəqliyyat sahəsindəki mövqeyi Avropa üçün strateji əhəmiyyət daşıyır

Narkotik asılılığı ilə mübarizədə ailənin rolu: İsmayıllıda valideynlərlə görüş təşkil olunub

Ukrayna Müdafiə Qüvvələri “Qazprom”un neft emalı zavodunu vurub

Bu il 310 mindən çox mülkiyyət hüququnun dövlət qeydiyyatı aparılıb

Mərkəzi Bankın nümayəndələri İsveçrə Milli Bankındakı effektiv iş mexanizmlərini nəzərdən keçiriblər

Zelenski: Krım körpüsü əməliyyatın yeddinci mərhələsində vurulub

İraq Türkiyəyə köhnə boru kəməri ilə neft nəqlini bərpa edib

Prezident İlham Əliyev Gürcüstanın Baş nazirinin müavinini qəbul edib VİDEO

Prezident İlham Əliyev Almaniyanın xarici işlər nazirinin başçılıq etdiyi nümayəndə heyətini qəbul edib VİDEO

Dövlət rüsumlarının tətbiqi ilə bağlı qanunvericilikdə islahat: On doqquz sənədə dəyişiklik edilir

Beyin mərkəzləri Orta Dəhliz və Lapis Lazuli marşrutunun uzlaşdırılmasını müzakirə ediblər

“Azərpoçt” ötən il 90 milyondan çox maliyyə əməliyyatı həyata keçirib

"Startap” şəhadətnaməsi almış KOB subyektlərinin sayı 300-ü ötüb

® Vüqar Eyvazov “AmCham Azərbaycan”ın yeni yaradılmış Səhiyyə Komitəsinin sədri təyin edilib

Rusiya yanacaq təminatının sabitliyi üçün neft emalı zavodlarında təmiri sürətləndirir

“Azərpoçt”un fəaliyyətində süni intellekt və avtomatlaşdırmanın tətbiqi imkanları genişlənir

Poçt şəbəkələri Azərbaycan sahibkarlarının xarici bazarlara çıxışını asanlaşdıra bilər

Alimlər xroniki iltihabın yaranma mexanizmini araşdırmaq üçün yeni alət hazırlayıblar

“İxrac rəsmiləşdirilmə xərclərinə görə kompensasiya dəstəyinin şamil olunacağı qeyri-neft-qaz mallarının və onların ixrac edildiyi ölkələrin (ölkə qruplarının) Siyahısı”nın, “Bir ixrac gömrük bəyannaməsi üzrə ixrac rəsmiləşdirilmə xərclərinə görə kompensasiya dəstəyi məbləğinin Yuxarı Həddi”nin və “İxrac rəsmiləşdirilmə xərclərinə görə kompensasiya dəstəyinin ödənilməsi ilə bağlı müraciət edilməsi və həmin müraciətlərə baxılması Qaydası”nın təsdiq edilməsi haqqında
Azərbaycan Respublikası İqtisadiyyat Nazirliyinin Kollegiyasının QƏRARI

UNEC süni intellekt üzrə regional mərkəzə çevrilməyi hədəfləyir

“İxrac daşıma dəstəyinin şamil olunacağı qeyri-neft-qaz mallarının və onların ixrac olunduğu ölkələrin (ölkə qruplarının) Siyahısı”nın, “İxrac və daxili daşıma dəstəyi məbləğlərinin ödənilməsi ilə bağlı müraciət edilməsi və həmin müraciətlərə baxılması Qaydası”nın və “Müxtəlif nəqliyyat növləri ilə (multimodal) daşımalar zamanı ixrac daşıma dəstəyi məbləğinin hesablanması Qaydası”nın təsdiq edilməsi haqqında
Azərbaycan Respublikası İqtisadiyyat Nazirliyinin Kollegiyasının QƏRARI

AQTA əməkdaşları üçün ətraf mühit və insan hüquqları ilə bağlı təlim təşkil olunub

Aqrar Sığorta Fondu mütəxəssisləri əməkdaşlığa dəvət edir – Bölgələrdə təlimlər başlayır

Əfqanıstan rəsmisi: Azərbaycanla əlaqələrin möhkəmləndirilməsi regional əməkdaşlıq üçün yeni imkanlar yaradır

Tanınmış Formula 1 pilotu yenidən “Dakar” rallisində mübarizə aparacaq

Litva Hərbi Akademiyasının nümayəndə heyəti Azərbaycana səfər edib

“QS Dayanıqlılıq Reytinqi 2027”: UNEC liderdir

Tarixçi-alim: Azadlıq meydanında yüksələn üçrəngli bayraq milli dirçəlişimizin rəmzinə çevrilib

Əmək qanunvericiliyi müasir əmək bazarının reallıqlarına uyğunlaşdırılır

Anar Məcidov: Beynəlxalq poçt əməkdaşlığının dəyəri vətəndaş və biznes üçün yaratdığı real fayda ilə ölçülür – MÜSAHİBƏ

QUAD ölkələri liderlərinin Manilada görüşü keçirilir

Xalqın dirçəlişi onun öz gücünə inanması ilə başlayır - ŞƏRH

Azərbaycan məktəbliləri piko-peyk hazırlayacaqlar

“İpək Yolu Sığorta”nın lisenziyasının qüvvəsi məhdudlaşdırılıb

Azərbaycanın müdafiə naziri Gürcüstanın nümayəndə heyəti ilə görüşüb

Deputat: Milli Dirçəliş Günü xalqımızın azadlıq iradəsinin təcəssümüdür ŞƏRH

“Reuters”: Kennedi ABŞ-də qızılcanın nəzarətsiz yayılmasına yol verib

Gələn il üçün yaşayış minimumu ölkə üzrə 314 manat olacaq  VİDEO

Gələn il üçün yaşayış minimumu ölkə üzrə 314 manat olacaq  VİDEO

Parlament “İşsizlikdən sığorta fondunun 2027-ci il büdcəsi haqqında” qanun layihəsini birinci oxunuşda təsdiqləyib VİDEO

Parlament “İşsizlikdən sığorta fondunun 2027-ci il büdcəsi haqqında” qanun layihəsini birinci oxunuşda təsdiqləyib VİDEO

Mixail Malkin: Komanda hesabında ardıcıl üçüncü dəfə dünya çempionu olmaq böyük qürurdur

DSMF-nin 2027-ci il üzrə gəlirləri 9,2 milyard manatı ötəcək - büdcə layihəsi birinci oxunuşda təsdiqlənib

Bərpaçı: Tarixi eksponata hər müdaxilə onun taleyinə təsir edir

İKTA: İstehlakçılara göstərilən internet xidmətlərinin keyfiyyətinə daha sistemli nəzarət üçün əlavə imkanlar formalaşacaq

DSMF respublika üzrə birdəfəlik müavinətlərin ödənişini başa çatdırıb

Azərbaycan millisi seçmə mərhələni bir xalla başa vurub

Kiberhücumçular qlobal veb-saytlara zərərli kod yeridiblər

567 nömrəli marşrutun avtobusları yenilənir