Emin Əmrullayev: Məktəblərdə sıxlıq problemi əhəmiyyətli dərəcədə həll olunub

14.09.2026 [16:26]
Çap et
A⁺ A^-

Bakı, 14 sentyabr, AZƏRTAC

Bizim məktəblərimizdə sıxlıq çox deyil.

AZƏRTAC xəbər verir ki, bu sözləri elm və təhsil naziri Emin Əmrullayev mətbuat konfransında söyləyib. Nazir bildirib ki, əvvəllər məktəblərdə sıxlıq daha çox olub, lakin son illərdə bir neçə yeni məktəb binasının istifadəyə verilməsi ilə bu problem əhəmiyyətli dərəcədə aradan qaldırılıb: “Problemləri daha yaxşı həll etmişik. Binədə əvvəl sıxlıq daha çox idi, amma indi orada bir neçə məktəb tikilib. Xırdalan, Binə və Masazırda sıxlıq problemini demək olar ki, həll etmişik”.

Emin Əmrullayev diqqətə çatdırıb ki, ehtiyac olan ərazilərdə yeni məktəb binalarının tikintisi və infrastrukturun yenilənməsi işləri ardıcıl şəkildə davam etdirilir.

_{Müxbir - Nərmin Muradzadə}

_{Fotoqraf - Azər İbrahimov}

_{Videooperator - Şövqi Əzizov}