ƏN QƏDİM ARI AŞKAR OLUNMUŞDUR
AZƏRTAC xarici KİV-lərə istinadla xəbər verir ki, Kornel Universitetindən entomoloq Brayan Danfort və Oreqon Universitetindən entomoloq Corc Poynar Birmadan gətirilmiş kəhrəba parçasında yaşı 100 milyon il olan qazıntı halında arını aşkar etmişlər. Bu indiyədək qazıntı halında tapılmış arı qalıqlarından 35 milyon il yaşlıdır.
Yaxşı vəziyyətdə qalmış ən qədim arının ətraflı morfoloji analizi və onun DNT-sinin analizi güman etməyə imkan verir ki, arıların ilk vətəni Afrikadır. Əvvəl hesab olunurdu ki, arıların əcdadının vətəni ya Cənubi Amerika, yaxud da Avstraliyadır. Tapıntı belə bir fərziyyəni təsdiq edir ki, ilk arılar təxminən 120 milyon il əvvəl ilk çiçəkli bitkilərlə birlikdə meydana gəlmişdir. Çiçəkli bitkilərin müasir növlərinin son dərəcə müxtəlifliyi arıların növlərinin böyük sayı ilə sıx bağlıdır. Hazırda arıların 16 mindən artıq növü vardır.
Bölmənin digər xəbərləri
