ERMƏNİ DEPUTATIN MOSKVADA FIRILDAĞI

11.04.2006 [21:47]
Çap et
A⁺ A^-

Erməni deputatın Moskvada döyülməsi faktı ilə bağlı yeni təfsilatlar məlum olmuşdur. Artıq bildirildiyi kimi, aprelin 5-də Moskvanın Qərb dairəsinin prokurorluğu Ermənistan parlamentinin deputatı, “Qreyt Velli” Konyak-şərab-araq şirkətinin prezidenti 39 yaşlı Tiqran Arzakantsyana basqın faktı üzrə cinayət işi qaldırmışdır. Hadisə martın 29-da Rusiya paytaxtındakı kazinoda baş vermişdir. Həmin gün səhərə yaxın naməlum şəxslər deputatı döyərək, qiymətli qol saatını və mobil telefonu götürmüşlər. Zərərçəkən kəllə-beyin travması və çoxsaylı zədələrlə xəstəxanaya qoyulmuşdur.

Ancaq sonradan məlum olmuşdur ki, T.Arzakantsyan kazinoya 1 milyon dollar məbləğində borcunu qaytarmamaq üçün döyüldüyünü uydurmuşdur. O, yanvarın sonlarında bu məbləği uduzduqdan sonra kazinonun rəhbərliyindən bir ay möhlət istəmişdir. Lakin deputat həmin kazinoya iki aydan sonra qayıtmış və borcunu qaytarmamaq üçün cürbəcür bəhanələr gətirmişdir. Təhlükəsizlik xidmətinin əməkdaşları onu qayda-qanuna riayətə etməyə çağırdıqdan sonra Arzakantsyan kazinonu sağ-salamat tərk etmiş və bu hadisədən bir həftə sonra döyüldüyü barədə məlumat vermişdir.

Ermənistan parlamentinin sədri hadisəyə şərh verməkdən imtina etsə də bildirmişdir ki, deputatların və rəsmi şəxslərin kazinoya getməsinə pis baxır.